Coleccionistas de Galicia e Portugal cítanse na máis importante mostra filatélica competitiva de carácter autónomico.

O vestíbulo superior do Auditorio de Ourense acolle do 27 de maio ao 5 de xuño a XXVIII Exposición 'Exfigalicia 2016, Campionato galego de Filatelia', unha cita ineludible para os entusiastas do coleccionismo.

A mostra contará con preto de 80 expositores e  de 300 vitrinas nas que se amosarán o mellor da filatelia actual de Galicia e Portugal, con especial atención ás coleccións de Galicia e a súa historia postal. Haberá entre outras actividades: obradoiros escolares, visitas guiadas, mesas redondas.  

A exposición está organizada pola Sociedade Filatélica, Numismática e Vitofílica Miño e a ela se suman as celebracións dos 50 anos de FEGASOFI, dos 30 de protocolo con UFINOR e os 300 anos de Correos.

O horario habitual do Auditorio Municipal é de luns a venres entre as 8.30 h e as 14.30 h.